Amaqoqo ku-Facebook ngokwezigodi.
Thola iqoqo eliseduze nawe lapha: Ekuthuleni Emunambithi Ethekuwini Iziqhingi zakwaHlubi Emadada ayile EMathuthuwini neziqhingi zakwaNyaka Ondini Umubango
Okuthunyelwe
Isiphakamiso: Ukuma kwephalamende.
Indlu yamakhosi: Indlu yamakhosi wesizwe, iSilo, nondunankulu (okhethiwa yiSilo). Inezihlalo eziyikhulu. Indlu yokuqala: Yindlu yabakhethiwe yiphalamende lakwaZulu ukumela izidingo zabantu. Inezihlalo ezingamashumi amahlanu. Indlu yesibili: Ngabakhethiwe ngabantu besizwe (amadolobha nezigodi zangakubo). Lendlu wongqongqoshe bonke, nomeya besizwe abakhethiwe ngabantu ngokwomuthetho. Ongqongqoshe nomeya bayokhethiwa ngabantu ukuze kuvikele ukukheth'wa kwabantu ngokuhlobana nabaholi besizwe. Lengxenye yephalamende inezihlalo ezingamashumi ayisikhombisa nanhlanu. #FreeKwaZulu
Umusebenzi wobukhosi.
Njengezwe elifuna ukugcina ubukhosi balo, kumele ubukhosi bezwe bubenamandla okuphatha izwe. Ngakho ke, naku esikuphakamisayo okuzoba ngamalungelo, amandla nomusebenzi weSilo nobukhosi besizwe mihla sazimela geqe njengezwe: - ISilo kumele siphathe izwe laso. Wonke oyinkosi kwaZulu wazi umuthetho wezwe lonke, uqeqeshelwe isikhundla sokuphatha amabutho wesizwe. ISilo sinelungelo lokubeka umubono waso nganoma yesiphi isikhathi esifisa ngaso ephalamende njenge Silo samabandla esizwe sonke. - ISilo siphethe amabutho wesizwe . Wonke amakhosi wesizwe, nabasebukhosini bakhula besemabhuth'weni babe namabutho (namaphoyisa) esigodlo sawo abhalisiwe emutheth'weni aqeqeshwe ngokwoMunyango wamabutho wesizwe. - ISilo sinelungelo lokugweba noma wubani isigwebo sentambo izwe lonke. - ISilo sinelungelo lokusula icala lanoma yesiphi isephulamuthetho ezweni.
Imiphumela yabantu abenze loluhlobo lwemfundo.
Imfundo ngokwe I. Y. I. L. E. iyohluka ngoba phezu kwokufundisa izifundo, ihlose ukubakha abantu. Unyaka wezifundo, uyoba mufushane ngoba abafundi bayofunda uMusombuluko kuye kuLokugcina (uMugqibelo), amaholidi angabikho ngaphandle kwamaholidi wesizwe, bese ihlobo lonke baleqe (imidlalo yezikole izoqhubeka). Imfundo lapho yonke ingane igqoka okufanayo izodala ukulingana phakathi kwabefundi zwelonke. Ngoba wonke umufundi uyobe ekwazi ukwenza ezemidlalo azifunayo, akekho ozogejwa yithuba lokuba wumpetha kumudlalo awuthandayo ngoba amabhasi esikole nawemidlalo yesikole ayobe exhasiwe wuhulumeni. Izikole eziphethwe wuhulumeni zidala ukuthi zonke izingane zikhokhe imali efanayo, zifunde izifundo ezifanayo ngokubolekisana ngothisha. Kumele kwakhiwe izikole ezintsha, amakholeji, izinhlangano zemidlalo ezindaweni ezinesidingo lwazo. Okuzotholwa wumufundi oqede imfundo ngokwohlelo lwe-I. Y. I. L. E. : • Umufundi oqede isikole uyokwazi ukukhuluma isiZulu nolunye ulimi (okuyobe kuyisiB...