UMUBANGO ONGAVUKA NGETHEKU.

ITheku lihle impela, liyigugu eNingizimu Afrika, yingakho uma kukhulunywa ngezwe elizimele lethu, bakhale ngeTheku koGoli. Bakhaliswa wukuthi bazodinga izincwadi zokuya eThek'wini uma lomunyakazo uphumelela akhe izwe elisha. 

Ngokufuna ukugcina iTheku liyiNingizimu Afrika, iqhinga abangase balizame wukulibuyisela njengomuhlaba wamaNgisi. ITheku ekwathiwa lanikezwa abaseBhrithani yiLembe, kwakuyizwe ekwakuhlala amaNqondo namaMpofana. Nakhona futhi, noma kukhona okwabhaliswa amakhosi akwaZulu, inkontileka akuyona into ekwakusetshenzwa ngayo kwaZulu. Kuwukuphula umuthetho owesiNtshonalanga ukubhalisa umuntu inkontileka entweni ekukhona nanofakazi ukuthi bengayazi. IsiNgisi nemibhalo yesiNgisi yinto eyayingaziwa ngabantu namakhosi ezwe. Yingakho kwaze kwasuka impi ngomuhlaba ekwakhiwa khona idolobha ekuyiTheku namuhla noma sekubhaliwe incwadi leyo. Kwathi lakhiwa iTheku futhi, lakhiwa ngezandla zabansundu (ebabe ngamaZulu). 

ITheku lethu.

Noma befuna ukulillwela iTheku lihlale isi-Singapore liyiNingizimu Afrika maphakathi nezwe elizimele, ngeke bakuphikise ukuthi nalo liwumuhlaba wakwaZulu ngokwomudabu. Layeka kudala iTheku kanye neNingizimu Afrika yonke ukuba ngaphansi kwomubuso waseBhrithani kumbe owamaBhunu.

Amazwana

Thumela amazwana

Ukuthumela okudumile osuka kule bhulogi

Esikugqokayo.

Isithombe
NgokwesiZulu, abesilisa bagqoka ibheshu kuphela nezimbhadada uma bethandile. Imbhatha ligqokwa uma kubanda bese umuqhele ugqok'we ngamadoda ashadile. Abesifazane bagqoka okwangezansi kuphela nezimbhadada uma bethandile bese uma sebeshada baluk'we isicholo ekhanda, bambhathe ngaphezulu. Kukhona okugqok'wa ngamabutho aya empini okungadingi ukugqokwa yiwonke umuntu njengaso isikhumba (esivamise ukuba noboya) esigqok'wa ukuvikela imilenze nezingalo. Imbatha lesikhumba sengwe ligqokwa ngamakhosi nesilo kuphela.  Okugqok'wa yisilo namakhosi.  Okugqok'wa yisilo, amakhosi, amaphoyisa namabutho.   Okugqok'wa emikhosini nezinsuku zokugubha usuku. Okugqokwa ngabasebenzi bakahulumeni namabutho: Okhakhi.  Okugqokwa emadolobheni: Idashiki emnyama, ensundu kumbe engwevu nebhulukwe nezimbhadada (abesilisa abaneminyaka eyi-19 kuya phezulu). Ingubo engwevu (abesifazane abaneminyaka eyi-19 kuya...
Funda kabanzi

Ikhalenda lesiZulu

INYANGA - IQALA NINI KWELESINGISI  UMandulo - 24 Aug  UMfumfu - 29 Sept  ULwezi - 27 Oct  UZibandlela - 24 Nov   UMasingana - 22 Dec  UNhlolanja - 19 Jan  UNdasa - 16 Feb   UMbasa - 16 March  UNhlaba - 13 April  UNhlangulana - 11 May  UNtulikazi - 8 Jun  UMaquba - 6 July UNcwaba - 27 July Zonke izinyanga zinezinsuku ezingama-28. UMandulo unezinsuku ezingama-36, abe nezinsuku ezingama-37  njalo eminyakeni emine.  USUKU OLUKHUMBULWAYO - NGOMUHLAKA BANI - KWELESINGISI  • Unyaka omusha - 1 kuMandulo - 24 Aug  • Umukhosi weLembe - 32 Mandulo -  24 Sept  • Umukhosi wokweshwama - 28 Zibandlela - 21 Dec  • Usuku lwe-Cato Manor - 24 Masingana - 15 Jan  • Impi yaseSandlwana - 3 Nhlolanja - 22 Jan  • Usuku luka-Retief - 18 Nhlolanja - 6 Feb  Namuhla kuyimihla yesishumi nambili kuMasingana (3 Jan kwelesiNgisi), kunyaka wesinkulungwane amakhulu ayisishiyagalombili namashumi amabili...
Funda kabanzi

Inkondlo yefulegi.

Isithombe
Inkondlo yefulegi Lihle lelifulegi  Leli fulegi ngelami  Leli fulegi ngelethu  Leli fulegi ngelenu  Leli fulegi ngelesizwe nawonke uZulu  Leli fulegi lisho ompisholo wemikhathi ephezulu  Leli fulegi lisho obovu owegazi labangasekho  Leli fulegi lisho okuhlaza womuhlaba wethu abasakho  Leli fulegi lisho izwekazi le-Afrika, kwaTu  Leli fulegi lisho ukuthi ngeke siphele, singabantu  Leli fulegi liwumulando, leli fulegi liyikusasa  Leli fulegi ngiyaliqamba, ngithi "wuKwasa"  Ngoba ngilale libhakuza, ngavuka libhakuza kusa  Leli fulegi lithi "Ngisakhona noma ningisusa"  Leli fulegi ngelenu  Leli fulegi ngelethu 
Funda kabanzi